Русийә билән хитай истратегийилик ширикликни күчәйтиш тоғрисида җар салди


2005.11.18
Share on WhatsApp
Share on WhatsApp

Америка президенти җорҗи буш чаршәнбә күни хитайни тәйвәндин өлгә елип демокиратийә вә әркинликкә чақирғандин кейин узун өтмәй, хитай дөләт рәиси ху җинтав билән русийә президенти владимир путин, җәнубий корийиниң босан шәһиридә учришип, истратегийилик шириклик, бихәтәрлик вә енергийә һәмкарлиқини күчәйтидиғанлиқини җакарлиди.

Икки дөләт рәһбири җүмә күни босанда ечилған асия тинч окян иқтисадий һәмкарлиқ тәшкилати башлиқлар йиғининиң дәм елиш арисида сөһбәт елип барди. Владимир путин хитай дөләт рәиси ху җинтавға москва "хитай - русийә мунасивитиниң тәрәққияти бизниң миллий мәнпәтимизгә вәкиллик қилидиғанлиқидин шүбһиләнмәйду " дегән.

Ху җинтавниң тәкитлишичә, бу йил хитай - русийә мунасивитидә зор илгириләш һасил қилған йил икән. У, " биз истратегийилик ширикликимизни йеңи бир пәллигә көтүрүшкә тәйяр," дәйду.

Русийә билән хитай, бу йил 7 - айда шаңхәй гуруһиниң астанида чақирилған башлиқлар йиғинида, америкини оттура асиядин қошун чекиндүрүшкә чақирған. 8 - Айда икки дөләт сәндоңда бирләшмә маневир өткүзгән иди.

Русийә президентиниң мәслиһәтчиси сергей приходкониң ашкарилишичә, владимир путин келәр йили баһарда русийә мәдәнийәт байрими вә 6 - айда шаңхәй гуруһиниң башлиқлар йиғини җәрянида хитайни 2 қетим зиярәт қилишни ойлайдикән. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.