Rusiye bilen xitay istratégiyilik shiriklikni kücheytish toghrisida jar saldi


2005-11-18
Share

Amérika prézidénti jorji bush charshenbe küni xitayni teywendin ölge élip démokiratiye we erkinlikke chaqirghandin kéyin uzun ötmey, xitay dölet re'isi xu jintaw bilen rusiye prézidénti wladimir putin, jenubiy koriyining bosan shehiride uchriship, istratégiyilik shiriklik, bixeterlik we énérgiye hemkarliqini kücheytidighanliqini jakarlidi.

Ikki dölet rehbiri jüme küni bosanda échilghan asiya tinch okyan iqtisadiy hemkarliq teshkilati bashliqlar yighinining dem élish arisida söhbet élip bardi. Wladimir putin xitay dölet re'isi xu jintawgha moskwa "xitay - rusiye munasiwitining tereqqiyati bizning milliy menp'etimizge wekillik qilidighanliqidin shübhilenmeydu " dégen.

Xu jintawning tekitlishiche, bu yil xitay - rusiye munasiwitide zor ilgirilesh hasil qilghan yil iken. U, " biz istratégiyilik shiriklikimizni yéngi bir pellige kötürüshke teyyar," deydu.

Rusiye bilen xitay, bu yil 7 - ayda shangxey guruhining astanida chaqirilghan bashliqlar yighinida, amérikini ottura asiyadin qoshun chékindürüshke chaqirghan. 8 - Ayda ikki dölet sendongda birleshme manéwir ötküzgen idi.

Rusiye prézidéntining meslihetchisi sérgéy prixodkoning ashkarilishiche, wladimir putin kéler yili baharda rusiye medeniyet bayrimi we 6 - ayda shangxey guruhining bashliqlar yighini jeryanida xitayni 2 qétim ziyaret qilishni oylaydiken. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet