Rusiye bash ministirining xitay ziyaritide énirgiye hemkarliqi ilgiri sürüldi


2006-11-09
Share

Rusiye bash ministiri mixayil yéfimowich fradkow , béyjingda élip baridighan ikki künlük ziyaritini bashliwetti. Bu qétimqi ziyarette ikki terepning énérgiye sahesidiki munasiwitini kücheytish asasliq téma hésablinidiken.

Fradkow peyshenbe küni, béyjinggha yétip kélip, énérgiye hemkarliqini öz ichige alghan hemkarliq höjjetlirige qol qoyghan. Fradkow bu qétimqi ziyaritide xitay dölet re'isi xu jintaw we xitay bash ministiri win jyabawlar bilen körüshidiken.

Shinxu'a agéntliqining xewirige qarighanda, xitay bilen rusiye ikki terep, 8 türlük hemkarliq kélishimnamisige qol qoyghan bolup, xitay terep salghan mebleghning omumiy qimmiti 80 milyard amérika dollirigha yétidiken.

Bu arida rusiye metbu'atliri, rusiye birlik éléktir shirkitining bayanatini élan qilip, fradkow xitayni ziyaret qilghan mezgilde , mezkür shirketning, xitayning dölet éléktir tori shirkiti bilen rusiyining xitaygha éléktir énérgiyisi ékisport qilishqa a'it kélishimge qol qoyghanliqini bildürdi.

Közetküchilerning bildürüshiche, rusiye bash ministirining bu qétimqi ziyariti, rusiye bilen xitayning énérgiyini asas qilghan, ikki terepning iqtisad , téxnika we medenyet saheliri buyiche keng kölemde hemkarliq ornitishni asasiy meqset qilidiken. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet