Ваң лечүән москвадики хитай-русийә сиясий партийиләр йиғиниға қатнашти


2007-05-27
Share

Уйғур аптоном райони коммунистик партийә комитетиниң секритари, хитай компартийиси мәркизи комитети сиясий бийороисиниң әзаси ваң лечүән хитай компартийисиниң бир вәкилләр өмикигә башламчилиқ қилип, 25- май күни москвада башланған икки күнлүк хитай –русийә сиясий партийилириниң муһакимә йиғиниға қатнашти.

Шинҗаң хәвәр ториниң ашкарилишичә, ваң лечүән вә русийә бирлик партийиси мәркизий комитетиниң әзаси, русийә думасиниң муавин башлиқи ечилиш нутқи сөзлигән.

Ваң лечүән сөзидә хитай компартийисигә вакалитән бу паалийәтни тәбрикләйдиғанлиқини тәкитләш билән биргә русийә- хитай мунасивәтлириниң дағдам тәрәққи қиливатқанлиқини, бу қетимқи русийә-хитай сиясий партийиләр муһакимисиниң әмәлийәттә русийидә давамлишиватқан хитай йили паалийитиниң бир қисими икәнликини көрсәткән. У мәзкур муһакимә арқилиқ русийә-хитай истратегийилик һәмкарлиқ мунасивәтлириниң техиму чоңқурлишишини илгири сүрүш ролини ойнайдиғанлиқини билдүргән.

Ваң лечүән буниңдин бир қанчә йил илгириму хитай компартийисиниң вәкилләр өмикини башлап, москвани зиярәт қилип, русийә парламентида көп санлиқни игиливатқан партийә билән учрашқан иди.

Ваң лечүән русийә дөләт думасиниң башлиқи вә һакимийәттики русийә бирлик партийисиниң рәиси глезноф билән көрүшкән.

Бирақ, хәвәрдә, ваң лечүәнниң дөләт думасидики муһим орунға игә русийә компартийисиниң рәһбәрлири билән учрашқан-учрашмиғанлиқи һәққидә һеч немә дейәлмигән болуп, әксичә у һакимийәттики русийә бирлик партийисини һәмкарлишиш обйекти қилған.

Русийә демократлири хитайниңму русийигә охшаш көп партийилик түзүмни әмәлгә ашуруп, бир партийә һөкүмранлиқидики һакиммутләқлиққә хатимә беришини оттуриға қоймақта. (Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт