Wang léchü'en moskwadiki xitay-rusiye siyasiy partiyiler yighinigha qatnashti


2007-05-27
Share

Uyghur aptonom rayoni kommunistik partiye komitétining sékritari, xitay kompartiyisi merkizi komitéti siyasiy biyoro'isining ezasi wang léchü'en xitay kompartiyisining bir wekiller ömikige bashlamchiliq qilip, 25- may küni moskwada bashlan'ghan ikki künlük xitay –rusiye siyasiy partiyilirining muhakime yighinigha qatnashti.

Shinjang xewer torining ashkarilishiche, wang léchü'en we rusiye birlik partiyisi merkiziy komitétining ezasi, rusiye dumasining mu'awin bashliqi échilish nutqi sözligen.

Wang léchü'en sözide xitay kompartiyisige wakaliten bu pa'aliyetni tebrikleydighanliqini tekitlesh bilen birge rusiye- xitay munasiwetlirining daghdam tereqqi qiliwatqanliqini, bu qétimqi rusiye-xitay siyasiy partiyiler muhakimisining emeliyette rusiyide dawamlishiwatqan xitay yili pa'aliyitining bir qisimi ikenlikini körsetken. U mezkur muhakime arqiliq rusiye-xitay istratégiyilik hemkarliq munasiwetlirining téximu chongqurlishishini ilgiri sürüsh rolini oynaydighanliqini bildürgen.

Wang léchü'en buningdin bir qanche yil ilgirimu xitay kompartiyisining wekiller ömikini bashlap, moskwani ziyaret qilip, rusiye parlaméntida köp sanliqni igiliwatqan partiye bilen uchrashqan idi.

Wang léchü'en rusiye dölet dumasining bashliqi we hakimiyettiki rusiye birlik partiyisining re'isi gléznof bilen körüshken.

Biraq, xewerde, wang léchü'enning dölet dumasidiki muhim orun'gha ige rusiye kompartiyisining rehberliri bilen uchrashqan-uchrashmighanliqi heqqide héch néme déyelmigen bolup, eksiche u hakimiyettiki rusiye birlik partiyisini hemkarlishish obyékti qilghan.

Rusiye démokratliri xitayningmu rusiyige oxshash köp partiyilik tüzümni emelge ashurup, bir partiye hökümranliqidiki hakimmutleqliqqe xatime bérishini otturigha qoymaqta. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet