Alem boshluqida ishlitidighan qorallarni cheklesh kélishimi rusiye we xitayning déplomatik hiylisi

2008-02-12
Élxet
Pikir
Share
Print

Rusiye ‏- xitay birliship amérikini alem boshluqida ishlitidighan qorallarni cheklesh kélishimini hasil qilishqa qistawatatqan bolup, melum bolushiche, washin'giton da'iriliri bu xil pikirni rusiye we xitayning herbiy hazirliqlar jehette üstünlükni igilesh üchün qollan'ghan déplomatik hiylisi dep qarighan.

Jenwe shehiride échilghan herbiy hazirliqlar kéngeymichilikini cheklesh ilmiy muhakime yighinida, rusiye tashqi ishlar ministiri sérgéy lawrof, eger alem boshluqida ishlitilidighan qoral ‏-yaraqlarni tereqqi qildurush cheklenmise dunyaning bixeterlikige kapaletlik qilghili bolmaydighanliqini bildürgen we amérikining shundaq bir kélishimning tüzülishini izchil ret qilip kéliwatqanliqini otturigha qoyghan.

Birleshme agéntliqida körsitilishiche, amérikining alem boshluqida ishlitidighan qorallarni cheklesh kélishimini ret qilishidiki asasiy seweb bolsa, bu xil kélishim peqet amérikining herbiy téxnika tereqqiyatini chekleshke qaritilghan bolup, eksiche bu xil kélishim xitay we rusiyining bashqurulidighan bombilarni yer yüzidin hawagha qoyup bérish we yaki sün'iy hemrahlarni bir herbiy qoral süpitide ishlitishige yol échip béridiken.

Melum bolushiche, alem boshluqida ishlitidighan qoral ‏- yaraqlarni tereqqi qildurushni cheklesh kélishimini hasil qilish idiyisi, 2003- yili, amérika hökümiti 1972- yili tüzülgen bashqurulidighan bombigha qarshi turush shertnamisidin waz kéchip ikki heptidin kéyin meydan'gha kelgen bolup, amérika hökümiti hazirgha kelgüche bu xil kélishimge qarshi turup kelmekte. (Jüme)

Pikirler (0)
Share
Toluq bet