Se'udi erebistan padishahi xitayni ziyaret qilidu


2006.01.17
Share on WhatsApp
Share on WhatsApp

Se'udi erebistan padishahi abdulla kéler hepte xitayni ziyaret qilidu. Xitay tashqiy ishlar ministirliqining ashkarilishiche, terepler se'udi padishahining ziyariti jeryanida néfit we énirgiye bixeterliki qatarliq mesililer boyiche muzakire élip baridiken. Bu se'udi erebistan padishahining 1990 - yili se'udi - xitay diplomatik munasiwet ornatqandin béri tunji qétim xitayni ziyaret qilishi bolup qalghusi.

Xitay tashqiy ishlar ministirliqi bayanatchisi kung chüenning seyshenbe küni muxbirlargha tekitlishiche, padishah abdulla xitay dölet re'isi xu jintaw qatarliq kishiler bilen söhbet élip baridu.

Se'udi erebistan néfit ministiri na'imning ziyariti 22 - yanwarda élip bérilidiken. Emma kung chüen , na'imning padishah abdullagha hemra bolup kélidighan -kelmeydighanliqini bilmeymen, deydu. U, "énirgiye bixeterliki we néfit mesiliside ikki terepke menpe'et yetküzidighan muzakiriler élip bérilidighanliqigha ishinimen" dédi.

Xitay dunya boyiche amérikidin qalsa 2 - chong néfit istimal döliti. Se'udi erebistan - xitay soda munaswiti yéqinqi yillardin béri téz köpeymekte. Kung chüen, 2005 - yilning deslepki 11 éyida se'udi - xitay soda hejimi 14 milyard dollargha yetkenlikini bildürgen. Se'udi ichki kabinti yéqinda néfit ministiri na'imgha xitay bilen bir qatar kélishimler imzalash hoquqi berdi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.