Xitay dölet re'isi xu jintaw shimaliy koriyini ziyaret qildi


2005.10.28
Share on WhatsApp
Share on WhatsApp

Xitay dölet re'isi xu jintaw jüme küni pyongyanggha yétip kélip shimaliy koriyini ziyaret qilishqa bashlidi.

Birleshme axbarat agéntliqining xewer qilishiche, xu jintawni shimaliy koriye rehbiri kim jung'il ayrodromda kütüwalghan shundaqla uni qarshi élishqa 100 ming kishi seperwer qilin'ghan. Xu jintaw ayrodromda sözligen nutuqida shimaliy koriye rehberlirige rehmet éytip, shimaliy koriyining kim jung'il we shimaliy koriye emgek partiyisi rehberliki astida, téximu zor tereqqiyat we utuqlargha érishidighanliqini tekitligen.

Xu jintawning ziyariti shimaliy koriye yadro qorallardin waz kéchish we kishilik hoquq mesililiri boyiche xelq'ara jem'iyetning küchlük bésimigha duch kelgen bir chaghda élip bérildi.

Shimaliy koriye sabiq sowét ittipaqi aghdurulghandin kéyin, xelq'ara jem'iyetning sirtida qalghan birdin bir dölet idi. Shimaliy koriye yadro qorallar mesilisi boyiche 6 dölet söhbiti kéler ayda béyjingda dawamlishidu.

Xu jintawning ziyariti xelq'ara jem'iyetning diqqitini qozghighan. Her ikki terp hazirghiche xu jintaw bilen kim jung'il otturisida ötküzülidighü'an söhbetning mezmunini élan qilmighan bolsimu, emma közetküchiler söhbet témisi eng muhim mezmuni yadro qorallar mesilisige chétilidighanliqini bildürmekte. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.