Б д т доклати: хитай сода вә тәрәққият җәһәттә дуняда 51 орунда туриду


2005-11-03
Share

Бирләшкән дөләтләр тәшкилатиниң дунядики 110 дөләтниң сода вә тәрәққият җәһәттә қолға кәлтүргән нәтиҗилирини баһалап елан қилған тәкшүрүш доклатидин мәлум болушичә, хитайниң тәрәққияти дуня бойичә аран 51 орунда туридикән.

Б д т сода вә тәрәққият комитети чаршәнбә күни елан қилған бу доклати, дөләтләрдики киши бешиға тоғра келидиған сәһийә вә маарип чиқимлири, асасий әслиһә қурулушлири , оттуричә сода беҗи вә пуқраларниң маарип тәрбийиси көрүш әһвали вә оттуричә өмри қатарлиқ амиллар бойичә дөләтләрни селиштуруп рәткә тизған.

Бу тизимликтә данийә биринчи орунни, андин кейинки орунларни америка вә әнгилийә игилигән. Өткәнки бир қанчә йил ичидә хитайниң иқтисатий тәрәққият сүрити дуняни һәйран қалдурған болсиму, бу тизимликтә хитай 51 - орунға қоюлған.

Мутәхәсисләр, хитайниң бу тизимликтә нисбәтән төвән орунни игилишидики асаслиқ сәвәбниң иқтисадий тәрәққият үчүн төләнгән бәдәлниң һәддидин юқири болуши вә тәрәққиятниң тәңпуңсизлиқидин боливатқанлиқини көрсәткән. Уларниң билдүрүшичә, хитайда болупму муһит булғиниши, байлиқларниң исрапчилиқи вә кишиләрниң әхлақ қаришиниң йоқилиши қатарлиқ җәһәттә төләнгән бәдәлләр толиму юқири, буниңдин сирт, хитай һөкүмитиниң пуқраларға қилған ғәмхорлиқи толиму йитәрсиз икән. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт