Дарфур партизанлири хитайниң судандики нефитликигә һуҗум қозғиди


2007.12.11
Share on WhatsApp
Share on WhatsApp

Дарфурдики күчлүк қораллиқ партизанлар әтрити мәркизи суданға җайлашқан хитай башқурушидики бир нефитликкә һуҗум қилип 1000 дин артуқ әскәрни мәзкур нефитликтин чекиндүргәнликини җакарлиди.

Дарфурдики адаләт вә баравәрлик тәшкилатиниң башлиқи хелил ибраһимниң билдүрүшичә, улар 11 - декабир сәйшәнбә күни әтигәндә хитай башқурушидики нефитликкә һуҗум қилип бу җайда қоғдаш вәзиписини өтәватқан 3 баталйон судан армийисини қоғлап чиқарған.

Ибраһимниң билдүрүшичә йәнә, улар һуҗум қозғиған нефит мәйданида хитайниң дөләтлик нефит ширкити қармиқидики " сәддичин сепили" дегән бир ширкәт мәшғулат елип бериватқан болуп, улар, бу җайға һуҗум қозғишидики асаси сәвәб суданниң дарфур районида инсан һәқлири дәпсәндичиликини күчәйтивәткән чәт әл нефит ширкитиниң суданда мәшғулат елип беришини халимайдиғанлиқи икәнликини ейтқан.

Мәлум болушичә, бу нөвәтлик һуҗумму мәркизи судандики кордофан районида йүз бәргән болуп, бу районға җайлашқан хитайниң йәнә бир нефит мәйдани бу йил өктәбирдә бир қетим һуҗумға учриған иди.

Дарфур партизанлири вә башқа хәлқаралиқ кишилик һоқуқ тәшкилатлири хитай һөкүмитиниң суданниң дарфур районидики һәрбий һәрикәтләргә судан нефит санаитигә кәң көләмдә мәбләғ селиш арқилиқ иқтисади ярдәмдә болуватқанлиқини көрситип дәп хитайни әйибләп келиватқан болуп, мәлум болушичә, судан һөкүмитиниң нефит содисидин киргән кириминиң 70 пирсәнти һәрбий һазирлиқларни кеңәйтиш үчүн ишлитилидикән.

Судан һөкүмити дарфур районида елип барған бастуруш һәрикити вә үзлүксиз һәрбий һуҗумлар җәрянида 200 миңдин артуқ адәм өлгән вә 2.5 Милйондин артуқ адәм өй- маканлиридин айрилип мусапир болуп кәткән иди. (Җүмә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.