Darfur partizanliri xitayning sudandiki néfitlikige hujum qozghidi


2007.12.11
Share on WhatsApp
Share on WhatsApp

Darfurdiki küchlük qoralliq partizanlar etriti merkizi sudan'gha jaylashqan xitay bashqurushidiki bir néfitlikke hujum qilip 1000 din artuq eskerni mezkur néfitliktin chékindürgenlikini jakarlidi.

Darfurdiki adalet we barawerlik teshkilatining bashliqi xélil ibrahimning bildürüshiche, ular 11 - dékabir seyshenbe küni etigende xitay bashqurushidiki néfitlikke hujum qilip bu jayda qoghdash wezipisini ötewatqan 3 batalyon sudan armiyisini qoghlap chiqarghan.

Ibrahimning bildürüshiche yene, ular hujum qozghighan néfit meydanida xitayning döletlik néfit shirkiti qarmiqidiki " seddichin sépili" dégen bir shirket meshghulat élip bériwatqan bolup, ular, bu jaygha hujum qozghishidiki asasi seweb sudanning darfur rayonida insan heqliri depsendichilikini kücheytiwetken chet el néfit shirkitining sudanda meshghulat élip bérishini xalimaydighanliqi ikenlikini éytqan.

Melum bolushiche, bu nöwetlik hujummu merkizi sudandiki kordofan rayonida yüz bergen bolup, bu rayon'gha jaylashqan xitayning yene bir néfit meydani bu yil öktebirde bir qétim hujumgha uchrighan idi.

Darfur partizanliri we bashqa xelq'araliq kishilik hoquq teshkilatliri xitay hökümitining sudanning darfur rayonidiki herbiy heriketlerge sudan néfit sana'itige keng kölemde meblegh sélish arqiliq iqtisadi yardemde boluwatqanliqini körsitip dep xitayni eyiblep kéliwatqan bolup, melum bolushiche, sudan hökümitining néfit sodisidin kirgen kirimining 70 pirsenti herbiy hazirliqlarni kéngeytish üchün ishlitilidiken.

Sudan hökümiti darfur rayonida élip barghan basturush herikiti we üzlüksiz herbiy hujumlar jeryanida 200 mingdin artuq adem ölgen we 2.5 Milyondin artuq adem öy- makanliridin ayrilip musapir bolup ketken idi. (Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.