Бейҗиң америка елан қилған доклатни "хитай тәһдити" ни мубалиғә қиливәткән дәп әйиблиди


2007-05-28
Share

Дүшәнбә күни (28- май) хитай, америка мудапиә министирлиқи елан қилған хитайниң һәрбий һазирлиқлар кеңәймичилики һәққидики доклатиға интайин нарази болғанлиқини ипадиләп, бәш бурҗәклик бинани "хитай тәһдити" ниң асассиз вәһимисини улғайтти, дәп әйиблиди.

Хитай ташқи ишлар министирлиқи, пәнтеган (бәш бурҗәклик бина) ниң мәзкур доклатида, хитайниң һәрбий иқтидарини мубалиғә қилип көрситиш сәвәбиниң , америка өзиниң һәрбий һазирлиқлар сиелинмисини ашуруш вә бейҗиңниң сиясий рәқиби тәйвәнниму шундақ қилишқа риғбәтләндүрүш ишлирини асас билән тәминләш икәнликини оттуриға қойди.

Хитай ташқи ишлар министирлиқи баянатчиси җяң йү, хитай ташиқи ишлар министирлиқи тор бетидә елан қилған баянатида: "америка қошма штатлириниң мәзкур доклати хитайниң һәрбий күчини вә һәрбий сиелинмисини мубалиғә қилған болуп 'хитай тәһдити нәзирйиси' ни тарқатқан" дегән.

Бирләшмә агентлиқиниң 28 ‏- майдики хәвиридә қәйт қилинишчә, у баянатида йәнә, хитайни "тинчлиқ сөйәр дөләт" дәп көрсәткән вә һәрқандақ бир дөләтниң өз туприқини қоғдаш һоқуқи барлиқини көрситип, хитайниң һәрбий һазирлиқлар кеңәймичиликини ақлашқа урунған.

Хитай ташқи ишлар министирлиқи өз баянатида, америкини тәйвән арилидики мустәқилчи күчләргә "хата сигнал" берип қоюштин сақлинишқа чақирған.

Әмма пәнтеган доклатида, гәрчә хитай һәрбий һазирлиқлирини шиддәт билән кеңейтиватқан болсиму, әмма униң тәйвәнгә ғәлибилик һуҗум қозғаш иқтидари йоқлуқини көрсәткән иди.

Бу йил мартта хитай 2007 - йилда һәрбий һазирлиқлар хам чотини 17.8 Пирсәнт, йәни 350.92 Милярд йүән өстүридиғанлиқини елан қилған.(Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт