Béyjing amérika élan qilghan doklatni "xitay tehditi" ni mubalighe qiliwetken dep eyiblidi


2007-05-28
Share

Düshenbe küni (28- may) xitay, amérika mudapi'e ministirliqi élan qilghan xitayning herbiy hazirliqlar kéngeymichiliki heqqidiki doklatigha intayin narazi bolghanliqini ipadilep, besh burjeklik binani "xitay tehditi" ning asassiz wehimisini ulghaytti, dep eyiblidi.

Xitay tashqi ishlar ministirliqi, pentégan (besh burjeklik bina) ning mezkur doklatida, xitayning herbiy iqtidarini mubalighe qilip körsitish sewebining , amérika özining herbiy hazirliqlar siélinmisini ashurush we béyjingning siyasiy reqibi teywennimu shundaq qilishqa righbetlendürüsh ishlirini asas bilen teminlesh ikenlikini otturigha qoydi.

Xitay tashqi ishlar ministirliqi bayanatchisi jyang yü, xitay tashiqi ishlar ministirliqi tor bétide élan qilghan bayanatida: "amérika qoshma shtatlirining mezkur doklati xitayning herbiy küchini we herbiy siélinmisini mubalighe qilghan bolup 'xitay tehditi neziryisi' ni tarqatqan" dégen.

Birleshme agéntliqining 28 ‏- maydiki xewiride qeyt qilinishche, u bayanatida yene, xitayni "tinchliq söyer dölet" dep körsetken we herqandaq bir döletning öz tupriqini qoghdash hoquqi barliqini körsitip, xitayning herbiy hazirliqlar kéngeymichilikini aqlashqa urun'ghan.

Xitay tashqi ishlar ministirliqi öz bayanatida, amérikini teywen arilidiki musteqilchi küchlerge "xata signal" bérip qoyushtin saqlinishqa chaqirghan.

Emma pentégan doklatida, gerche xitay herbiy hazirliqlirini shiddet bilen kéngéytiwatqan bolsimu, emma uning teywen'ge ghelibilik hujum qozghash iqtidari yoqluqini körsetken idi.

Bu yil martta xitay 2007 - yilda herbiy hazirliqlar xam chotini 17.8 Pirsent, yeni 350.92 Milyard yüen östüridighanliqini élan qilghan.(Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet