Xitay hökümitining eskertishiche, londonda partlighan bomba xitayda yasalmighanken


2005-07-22
Share

Xitay hökümiti 7 - iyulda yüz bergen londondiki partlash weqeside térorchilar qollan'ghan partlatquch dorining xitay herbiy karxanilirida ishlepchirilghanliqini ret qildi.

Isra'iliye metbu'atlirining xewer qilishiche, dunyadiki eng küchlük axbarat organlirining biri bolghan isra'iliyidiki axbarat orgini mossad, en'giliye da'irilirige térorchilar 7 - iyuldiki londonda yüz bergen partlash weqeside ishletken partlatquch dorisining, 2003 - yili 4 - ayda tél'awiftiki partlash weqeside qollan'ghan partlatquch dora bilen oxshashla xitayda yasalghanliqini bildürgen. Tél'awiftiki partlash weqeside 3 adem ölgen, 60 adem yarilan'ghan idi.

Emma xitay tashqi ishlar ministirliqi bayanatchisi kong chü'en, xitay herbiy karxanilirida bu xildiki qorallarni ishlepchirish séxi yaki tejrbixanisi yoqliqini bildürdi. Kong chü'enning tekitlishiche, xitay herbiy karxanilirida ishlepchiriliwatqan we éksport qiliniwatqan partlatquch dorilargha, bu heqtiki xewerlerde ilgiri sürülgen maddilar ishlitilmeydiken.

Shinxu'a axbarat agéntliqining xewer qilishiche, kong chü'en isra'iliye axbarat orginining qarishini "asassiz perez" dep tenqidligen. Emma isra'iliyidiki bir gézitning ashkarilishiche, partlatquch dora béyjing etrapidiki bir herbiy karxanida ishlepchiqirilghan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet