Xitayda yasalghan sekkiz bashqurulidighan bombini térrorchilar se'udi erebistanigha élip kelgen dégen qandaq mesile?


2007.12.05

Amérika awazining se'udi erebistanida chiqidighan 'okaz géziti' de élan qilin'ghan uchurlardin neqil élip xewer qilishiche, se'udi erebistan hökümiti ötken heptide elqa'idichilerge qarita élip barghan keng kölemlik tazilash herikitide 208 neper térrorchini qolgha alghan.

Térrorchilar se'udi erebistanliq bolmighan bezi bashqurulidighan bomba mutexessislirining yétekchilikide, xitayda yasalghan mörige élip atidighan hejmi kichik bashqurilidighan bombidin sekkizni se'udi erebistanigha élip kelgenlikini bayqighan idi. Bu qorallar se'udi erebistanining hawa qatnishigha tehdit keltürüshi mumkin idi. Bu xewer tarqalghandin kéyin, xitayning se'udi erebistanida turushluq bash elchisi bu uchurni 'ishenchilik bolmasliqi mumkin' dep ret qildi.

Amérikidiki uluq okyan tetqiqat ornining aliy tetqiqatchisi teywenlik lyaw wénjung ependi bu heqte "xitay 'qizilbayraq üch' belgilik 100‏- 200 adem idare qilidighan kélengsiz bashquridighan bombidin kéyin, oltra nur téxnikisi qollinilghan 'qizil pupuk besh' belgilik mörige qoyup atidighan bashqurulidighan bomba yasashqa bashlighan idi. Uning oqqa tutush da'irisi texminen 7 kilométir, u hem 3000 métir igizliktiki nishanlargha hujum qilalaydu.

Gherb döletliri bundaq aliy téxnikiliq qorallarning térrorchilarning qoligha chüshüp kétishidin saqlinishni tekitlep kelmekte" dep bayan qildi. Xongkongdiki herbi ishlar tetqiqatchisi ma dingshén bolsa 'xelq'ara qanun buyiche xitay bu mesilide jawabkarliqni üstige élishi kérek'dep körsetti. (Weli)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.