Явропа әллиридә хитай олимпикини байқут қилиш пикири күчәймәктә
2008.03.24
2008 - Йиллиқ бейҗиң олимпики мәшилигә от йеқиш мурасими башланған минутларда, бир қисим явропа әллиридә хитай олимпикини байқут қилиш пикири хели күчлүк рәвиштә оттуриға чиқишқа башлиған болуп, мәлум болушичә, данийә хәлқ партийиси данийә баш министирини олимпикни байқут қилишқа қистиған болса, рай синашқа қатнашқан 959 франсийиликниң 53 пирсәнти бейҗиң олимпикини байқут қилиш керәк дәп қариған.
Бирләшмә агентлиқида көрситилишичә, франсийидә чиқидиған азадлиқ гезитидә берилгән "хитайдики кишилик һоқуқ мәсилигә қандақ қарши туруш керәк" дегән соалға 53 пирсәнт киши франсийә президенти саркозйниң олимпик ечилиш мурасимини байқут қилиши керәк дәп қариған болса, 42 пирсәнт киши бу пикирни қоллимиған.
Хәвәрдә көрситилишичә йәнә, 55 пирсәнт киши тәнһәрикәтчиләрниң олимпикни байқут қилиш пикирини қоллимиған болсиму, әмма 41 пирсәнт киши франсийә тәнһәрикәтчилири мусабиқә мәйданидин чиқип кетип олимпикни байқут қилиши керәк, дәп қариған.
Әмма, дүшәнбә күни данийә хәлқ партийиси данийә баш министири андерс расмуссенни хитайниң тибәттә елип барған бастуруш һәрикитигә қарши туруш үчүн бейҗиң олимпикигә данийиниң қатнишишини әмәлдин қалдурушқа қистиди.
Мәзкур партийә данийидики 3 - чоң партийә болуп, бирләшмә агентлиқида нәқил қилинишчә, мәзкур партийә рәиси кирстан даһл данийиниң бейҗиң олимпикини пүтүнләй байқут қилиш керәкликини билдүрүп, данийиниң мәзкур олимпиккә қатнишиши хитай һөкүмитиниң аз санлиқ милләтләр үстидин елип бериватқан бастуруш сияситини қобул қилғанлиқни билдүридиғанлиқини, шуңа баш министирниң бу һәқтики муназирини кәйнигә сүрмәслики лазимлиқини оттуриға қойған. (Җүмә)
Мунасивәтлик мақалилар
- Олимпик мәшилигә от йеқиш мурасими кишилик һоқуқ органлириниң қаршилиқиға дуч кәлди
- Нобел мукапатиниң 26 нәпәр еришкүчиси хитайни далай лама билән сөһбәт өткүзүшкә үндиди
- Чегрисиз мухбирлар тәшкилати битәрәп көзәткүчиләрниң тибәттә тәкшүрүш елип беришини тәләп қилди
- Америка кеңәш палата әзаси шрод бравн, америка ташқи ишлар министирини уйғур мәсилисигә арилишишқа чақирди
- Хитай баш минстири вин җиябав, далай лама билән сөһбәтлишишкә тәйяр икәнликини билдүрди
- Хитай һөкүмити тибәткә йеңи һәрбий қисимлар орунлаштурмақта
- Хитай сақчилири тибәттә өйму - өй ахтуруп тутуш һәрикити елип бармақта
- Хәлқара олимпик комитетиниң рәиси хитай һөкүмитиниң бастуруш һәрикәтлиридин әндишә қиливатқанлиқини билдүрди
- Далай лама хәлқара җәмийәтни тибәт вәқәсини тәкшүрүшкә чақирди
- Хитай йеңи рәһбәрлик системисини бекити
- Тибәттики тоқунушлар кеңәймәктә
- Хәлқара җамаәт хитай һөкүмитиниң тибәтлик намайишчиларни бастурғанлиқини әйиблимәктә