Ху җинтав вейтнам билән мунасивитини күчәйтмәкчи


2005.10.31
Share on WhatsApp
Share on WhatsApp

Хитай дөләт рәиси ху җинтав дүшәнбә күни вейнамға йитип келип, бу дөләткә қилидиған үч күнлүк зияритини башлиди.

Америка бирләшмә ахбарат агентлиқиниң хәвиригә қариғанда, хуҗинтав бу сәпиридә коммунист вейтнам билән болған сиясий вә иқтисадий мунасивәтни күчәйтишни мәқсәт қилиду. Анализчилар, хуҗинтавниң бу қетимқи зияритини йәнә хитай һөкүмитиниң америкиниң вейтнамдики тәсириниң күнсири күчийишигә қайтурған инкаси дәп қаримақта.

Хәвәргә қариғанда, ху җинтав, күтевелиш мурасимидин кейин, вейтнам президенти чен дак луң вә вейтнам коммунистик партийисиниң баш секритари ноң дак ман билән йепиқ сөһбәт өткүзгән. Икки тәрәп рәһбәрлири, шундақла бир йүрүш иқтисадий келишимлирини имзалиған.

Бу йил 6 - айда, америка- вейтнам мунасивити нормаллашқанлиқиниң 10 - йиллиқиниң һарписида, вейтнам баш минситири башчилиқидики вәкилләр өмики америкини зиярәт қилип, америка билән һәрбий алақини күчәйткән иди. Хәвәрниң анализчиларниң сөзини нәқил кәлтүрүшичә, хитайму нөвәттә вейтнам билән болған мунасивитини күчәйтип, күчләрни тәңпуңлаштурушқа урунмақта.

Хитай билән вейтнамниң чегра ихтилапи бар. Әмма 14 йил аввал икки дөләт мунасивити нормаллашқандин буян, хитай вейтнамниң әң чоң сода шерикигә айланди. Анализчилар вейтнамниңму хитайниң ислаһатидин үлгә елиш үчүн, хитайниң ислаһатиға диққәт қиливатқанлиқини билдүрмәктә. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.