Xu jintaw wéytnam bilen munasiwitini kücheytmekchi


2005-10-31
Share

Xitay dölet re'isi xu jintaw düshenbe küni wéynamgha yitip kélip, bu döletke qilidighan üch künlük ziyaritini bashlidi.

Amérika birleshme axbarat agéntliqining xewirige qarighanda, xujintaw bu sepiride kommunist wéytnam bilen bolghan siyasiy we iqtisadiy munasiwetni kücheytishni meqset qilidu. Analizchilar, xujintawning bu qétimqi ziyaritini yene xitay hökümitining amérikining wéytnamdiki tesirining künsiri küchiyishige qayturghan inkasi dep qarimaqta.

Xewerge qarighanda, xu jintaw, kütéwélish murasimidin kéyin, wéytnam prézidénti chén dak lung we wéytnam kommunistik partiyisining bash sékritari nong dak man bilen yépiq söhbet ötküzgen. Ikki terep rehberliri, shundaqla bir yürüsh iqtisadiy kélishimlirini imzalighan.

Bu yil 6 - ayda, amérika- wéytnam munasiwiti normallashqanliqining 10 - yilliqining harpisida, wéytnam bash minsitiri bashchiliqidiki wekiller ömiki amérikini ziyaret qilip, amérika bilen herbiy alaqini kücheytken idi. Xewerning analizchilarning sözini neqil keltürüshiche, xitaymu nöwette wéytnam bilen bolghan munasiwitini kücheytip, küchlerni tengpunglashturushqa urunmaqta.

Xitay bilen wéytnamning chégra ixtilapi bar. Emma 14 yil awwal ikki dölet munasiwiti normallashqandin buyan, xitay wéytnamning eng chong soda shérikige aylandi. Analizchilar wéytnamningmu xitayning islahatidin ülge élish üchün, xitayning islahatigha diqqet qiliwatqanliqini bildürmekte. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet