Хитай су асти парахутниң япунийә деңиз тәвәликигә үсүп кириш вәқәсини тәкшүриватқанлиқини билдүрди


2004.11.14
Share on WhatsApp
Share on WhatsApp

япунийиниң бир хитай ядро су асти парахути япунийә деңиз тәвәликигә үсүп кирди дигән әйиплишигә қарита хитай һөкүмити давамлиқ сүкүттә турди.

Хитайниң һөкүмәт мәтбуатлири япунийә һөкүмитиниң бу һәқтики әйипләшлири һәққидә һичқандақ мәлумат бәрмигән вә япунийә һөкүмитидин кәчүрүм тәләп қилмиған. Хитай ташқи ишлар министирлиқи шәнбә күни қайта баянат елан қилип, бейҗиң даирилириниң бу вәқәни тәкшүриватқанлиқини билдүргән.

Өткән чаршәнбә күни япунийә җәнубтики сакишама тақим араллириниң әтрапида бир ядро су асти парахутини байқиғандин кийин деңиз армийисини ишқа селип, мәзкүр су асти парахутниң изиға чүшкән.

япунийә даирилириниң билдүришичә, су асти парахутниң типи вә алаһидиликигә асасән, буни хитай армийисиниң ядро су асти парахути икәнликини муҗәссәмләштүргән. япунийә ташқи ишлар министири бу мунасивәт билән өткән җүмә күни хитайниң япунийидә турушлуқ әлчисини чақиртип, қаттиқ наразилиқ билдүргән вә хитай һөкүмитидин кәчүрүм сорашни тәләп қилған. Әмма хитай һөкүмити һазирғичә бу мәсилидә сүкүттә турмақта. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.