Xitay su asti paraxutning yapuniye déngiz tewelikige üsüp kirish weqesini tekshüriwatqanliqini bildürdi


2004.11.14
Share on WhatsApp
Share on WhatsApp

Yapuniyining bir xitay yadro su asti paraxuti yapuniye déngiz tewelikige üsüp kirdi digen eyiplishige qarita xitay hökümiti dawamliq sükütte turdi.

Xitayning hökümet metbu'atliri yapuniye hökümitining bu heqtiki eyipleshliri heqqide hichqandaq melumat bermigen we yapuniye hökümitidin kechürüm telep qilmighan. Xitay tashqi ishlar ministirliqi shenbe küni qayta bayanat élan qilip, béyjing da'irilirining bu weqeni tekshüriwatqanliqini bildürgen.

Ötken charshenbe küni yapuniye jenubtiki sakishama taqim arallirining etrapida bir yadro su asti paraxutini bayqighandin kiyin déngiz armiyisini ishqa sélip, mezkür su asti paraxutning izigha chüshken.

Yapuniye da'irilirining bildürishiche, su asti paraxutning tipi we alahidilikige asasen, buni xitay armiyisining yadro su asti paraxuti ikenlikini mujessemleshtürgen. Yapuniye tashqi ishlar ministiri bu munasiwet bilen ötken jüme küni xitayning yapuniyide turushluq elchisini chaqirtip, qattiq naraziliq bildürgen we xitay hökümitidin kechürüm sorashni telep qilghan. Emma xitay hökümiti hazirghiche bu mesilide sükütte turmaqta. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.