Японийә мудапиә сияситини өзгәртти


2004-12-10
Share

японийә ички кабинти җүмә күни японийә мудапиә пиланиниң йеңи программисини мақуллап, һәрбий һазирлиқларға қаритилған експорт чәклимисини бикар қилди. Шундақла тунҗи қетим хитайниң һәрбий заманивилаштуруш һәрикитигә диққәт қиливатқанлиқини җакарлиған.

японийиниң һәрбий һазирлиқларни експорт қилишни чәкләш сиясити 1976 - йилдин бери йолға қоюлуп келивататти. Йеңи мудапиә программисида бу чәклимә бикар қилинған. Шундақла америка билән бирлишип, башқурулидиған бомбиға қарши мудапиә системиси үстидә тәтқиқат елип беришни мақуллиған.

японийә һөкүмитиниң бу қарари японийә миллий истратегийисиниң пассип мудапиәдин актип мудапиәгә қарап тәрәққи қиливатқанлиқини көрситиду, дәп қаралмақта. японийә баш министири койзуми, "йеңи мудапиә пилани японийиниң йеңи вәзийәткә маслишиш йолидики зөрүр тәдбири," дәп тәкитлигән. японийиниң йеңи мудапиә программисида, хитайни японийә диққәт қилидиған нишанлар қатарида көрситип, хитай һәрбий күчиниң заманивилишиш дәриҗиси, шундақла деңиз окяндики паалийәт даирисиниң кеңийишини диққәт қилинидиған мәсилә, дәп қариған.

японийиниң йеңи мудапиә пилани хитайниң наразилиқини қозғиди. Хитай ташқий ишлар министирлиқиниң баянатчиси җаң чийө җүмә күни баянат елан қилип, "җоңго японийә һәрбий бихәтәрлик сияситиниң зор көләмдики тәртипкә селиниши вә буниң елип келидиған тәсиригә диққәт қилиду" дәп көрсәтти. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт