Yaponiye mudapi'e siyasitini özgertti


2004-12-10
Share

Yaponiye ichki kabinti jüme küni yaponiye mudapi'e pilanining yéngi programmisini maqullap, herbiy hazirliqlargha qaritilghan éksport cheklimisini bikar qildi. Shundaqla tunji qétim xitayning herbiy zamaniwilashturush herikitige diqqet qiliwatqanliqini jakarlighan.

Yaponiyining herbiy hazirliqlarni éksport qilishni cheklesh siyasiti 1976 - yildin béri yolgha qoyulup kéliwatatti. Yéngi mudapi'e programmisida bu cheklime bikar qilin'ghan. Shundaqla amérika bilen birliship, bashqurulidighan bombigha qarshi mudapi'e sistémisi üstide tetqiqat élip bérishni maqullighan.

Yaponiye hökümitining bu qarari yaponiye milliy istratégiyisining passip mudapi'edin aktip mudapi'ege qarap tereqqi qiliwatqanliqini körsitidu, dep qaralmaqta. Yaponiye bash ministiri koyzumi, "yéngi mudapi'e pilani yaponiyining yéngi weziyetke maslishish yolidiki zörür tedbiri," dep tekitligen. Yaponiyining yéngi mudapi'e programmisida, xitayni yaponiye diqqet qilidighan nishanlar qatarida körsitip, xitay herbiy küchining zamaniwilishish derijisi, shundaqla déngiz okyandiki pa'aliyet da'irisining kéngiyishini diqqet qilinidighan mesile, dep qarighan.

Yaponiyining yéngi mudapi'e pilani xitayning naraziliqini qozghidi. Xitay tashqiy ishlar ministirliqining bayanatchisi jang chiyö jüme küni bayanat élan qilip, "jonggo yaponiye herbiy bixeterlik siyasitining zor kölemdiki tertipke sélinishi we buning élip kélidighan tesirige diqqet qilidu" dep körsetti. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet