خىتاي ياپونىيە پارلامېنت ئەزالىرىنىڭ خىتايغا قىلىدىغان زىيارىتىنى كېچىكتۈردى


2005.01.05
Share on WhatsApp
Share on WhatsApp

خىتاي ھۆكۈمىتى چارشەنبە كۈنى ياپونىيە پارلامېنت ئەزالىرىدىن تەشكىللەنگەن بىر ۋەكىللەر ئۆمىكىنىڭ خىتايغا قىلىدىغان زىيارىتىنى توساتتىن كېچىكتۈردى.

ئەنگلىيە ب ب س رادىئو-تېلېۋىزىيە شىركىتىنىڭ خەۋىرىگە قارىغاندا، گەرچە خىتاي ھۆكۈمىتى بۇنىڭ سەۋەبىنى تېخى كۆرسەتكەن بولمىسىمۇ، لېكىن كۆزەتكۈچىلەر بۇنىڭغا ياپونىيە ھۆكۈمىتىنىڭ يېقىندا خىتاينىڭ قارشىلىقىغا قارىماستىن تەيۋەننىڭ سابىق پرېزىدېنتى لى دېڭخۈينى ياپونىيىدە بىر ھەپتە زىيارەت قىلدۇرىشى سەۋەپ بولغانلىقىنى ئىلگىرى سۈردى.

ئىلگىرى خىتاي ھۆكۈمىتى لى دېڭخۈينىڭ خىتاي-ياپونىيە مۇناسىۋەتلىرىگە ئېغىر زىيان يەتكۈزىدىغانلىقىنى ئەسكەرتىپ، ياپونىيىنىڭ لى دېڭخۈيگە ۋىزا بەرمەسلىكىنى كۆپ قېتىم تەكىتلىگەن ئىدى.

ئەسلى پىلان بويىچە، ياپونىيە پارلامېنت ئەزالىرى 1 - ئاينىڭ 10 - كۈنى خىتايغا بېرىپ، خىتاي كوممۇنىست پارتىيە رەھبەرلىرى بىلەن تۇنجى قېتىملىق " خىتاي-ياپونىيە ھوقۇقتىكى پارتىيىلەر ئارىسىدىكى ئالاقە يىغىنى" نى چاقىرماقچى ئىدى. (پەرىدە)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.