Хитай японийә парламент әзалириниң хитайға қилидиған зияритини кечиктүрди

Хитай һөкүмити чаршәнбә күни японийә парламент әзалиридин тәшкилләнгән бир вәкилләр өмикиниң хитайға қилидиған зияритини тосаттин кечиктүрди.

Әнглийә б б с радио-телевизийә ширкитиниң хәвиригә қариғанда, гәрчә хитай һөкүмити буниң сәвәбини техи көрсәткән болмисиму, лекин көзәткүчиләр буниңға японийә һөкүмитиниң йеқинда хитайниң қаршилиқиға қаримастин тәйвәнниң сабиқ президенти ли деңхүйни японийидә бир һәптә зиярәт қилдуриши сәвәп болғанлиқини илгири сүрди.

Илгири хитай һөкүмити ли деңхүйниң хитай-японийә мунасивәтлиригә еғир зиян йәткүзидиғанлиқини әскәртип, японийиниң ли деңхүйгә виза бәрмәсликини көп қетим тәкитлигән иди.

Әсли пилан бойичә, японийә парламент әзалири 1 - айниң 10 - күни хитайға берип, хитай коммунист партийә рәһбәрлири билән тунҗи қетимлиқ " хитай-японийә һоқуқтики партийиләр арисидики алақә йиғини" ни чақирмақчи иди. (Пәридә)