Xitay yaponiyining sénkaku arilidiki mayakqa ige chiqqanliqini eyiplidi


2005.02.09
Share on WhatsApp
Share on WhatsApp

Xitay hökümiti charshenbe küni yaponiyitining sénkako arilidiki mayakqa ige chiqqanliqini eyiblep, buni qanunsiz we inawetsiz dep jakarlidi.

Xitay tashqi ishlar ministirliqining bayanatchisi kongchu'en muxbirlarni kütiwélish yighinida, sénkaku arilining xitayning ezeldin bar bolghan zémini ikenlikini, shundaqla yaponiye hökümitining mezkur aralgha qaratqan her qandaq bir tereplik herikitining qanunsiz we inawetsiz ikenlikini bildürdi. Emma u xitay hökümitining bu heqte ilgiriligen halda heriket qollinish yaki qollanmasliqi heqqide bir néme démidi.

Yaponiye hökümiti charshenbe küni etigen sénkako arilidiki mezkur mayakni öz igidarchiliqigha alghanliqini jakarlap, buningdin kéyin bu yerni yaponiye déngiz qirghiqi saqchi etriti bashquridighanliqini bildürgen idi. Bu mayak yaponiyidiki ongchi éqim pa'aliyetchiliri teripidin 1988 - yili yasalghan.

1895 - Yili yaponiye ching sulalisini meghlup qilip, sénkaku arilining yaponiyige tewe ikenlikini jakarlighan. Emma amérika, ikkinchi dunya urushi axirlashqanda bu aralni özining igidarchiliqigha ötküzüwalghan bolup, kéyin 1972 - yiligha kelgende buni yene yaponiyige qayturup bergen. Shundaqla 1970 - yilliri bu aralda néfit zapisi bayqalghandin buyan, xitay bilen teywen her ikkilisila bu rayonning igidarchiliq hoquqini telep qildi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet