Хитай һөкүмити японийиниң сенкаку арилидики маякқа игә чиққанлиқини қайта әйиплиди


2005-02-13
Share

Хитай ташқи ишлар министирлиқи шәнбә күни баянат елан қилип, японийиниң сенкаку тақим араллиридики маякқа игә чиққанлиқини қайта әйиплиди.

Франсийә ахбарат агентлиқиниң хәвиригә қариғанда, хитай ташқи ишлар министирлиқи асия бөлүминиң әмәлдари баянатида, "японийиниң бу қилмиши, хитайниң игилик һоқуқиға дәхли - тәруз йәткүзгәнлик, буни һөкүмитимиз вә хәлқимиз қәтий қубул қилмайду" дегән. У йәнә, хитай һөкүмитиниң бу мәсилидә японийә тәрәп билән рәсмий дәвалишиватқанлиқини көрсәткән.

японийә һөкүмити өткән чаршәнбә күни сенкаку тақим араллиридики японийә оңчи еқим паалийәтчилири ясиған мәзкур маяққа игә чиққанлиқини җакарлап, бундин кийин бу маякни японийә деңиз қирғиқи сақчи әтрити башқуридиғанлиқини билдүргән . Хитай ташқи ишлар министирлиқиниң баянатчиси куң чүән шу күнила японийә һөкүмитиниң бу һәрикитини "инавәтсиз" вә "қанунсиз" дәп җакарлиған иди.

Хәвәргә қариғанда, хитай билән японийиниң иқтисади һәмкарлиқи ешип бериватқан болсиму, бирақ японийә баш министириниң уруш қәһриманлар қәвристанлиқини йоқлиши вә хитай ядро су асти парахотиниң японийә деңиз территорийисигә бөсүп кириши қатарлиқ вәқәләр сәвәбидин, икки дөләт мунасивити йирик болуп кәлмәктә.

японийә 1895 - йили чиң сулалисини урушта мәғлуп қилип, сенкаку тақим араллириниң япунийигә тәвә икәнликини җакарлиған. 1970 - Йиллири бу аралларда нефит байлиқи байқалғандин боян, хитай билән тәйвән һәр иккилисила бу районниң игилик һоқуқини тәләп қилмақта. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт