Yaponiyining tarix dersliki tokyo bilen béyjing otturisidiki sürkilishni kücheytti


2005.04.05
Share on WhatsApp
Share on WhatsApp

Yaponiye ma'arip ministirliqi teripidin seyshenbe küni testiqlan'ghan tarix dersliki, yaponiye - xitay munasiwitidiki sürkilishni kücheytiwetti. Xitay hökümiti tokyo da'irilirini yaponiye tarix derslikining 2 - dunya urushigha da'ir qismida, yaponiye armiyisining xitaydiki ishghaliyetchilik herikitini burmilash bilen eyibligen.

Xitay tashqi ishlar ministirliqining emeldari chéng zongxu'ey, seyshenbe küni yaponiyining béyjingdiki bash elchisi anamini chaqirtip, yaponiye hökümitige étiraz bildürdi. Shu küni xitayning tokyodiki bash elchisi wang yi, xitayning naraziliqini yaponiye hökümitige yetküzgen. Amma yaponiye elchisi anami, " yaponiye pikir qilish we neshriyat hoquqi kapaletke ige dölet", dep jawab bergen. U, tüzüm boyiche yaponiyide kishilerning derslik matiryallarni neshri qilalaydighanliqini tekitligen.

Tarix dersligidiki talash tartish, xitayda yaponiyige qarshi milliy keypiyat dolquni yuqiri kötürülgen mezgilge toghra keldi. Xitaylar yaponiyining b d t xewpsizlik kéngishige da'imi eza bolushigha qarshi imza toplash, yaponiye mallirini bayqut qilish herikitini élip barmaqta idi.

Aldinqi küni yaponiye bash ministiri koyzumi, béyjing da'irilirini xitay puqraliridiki yaponiyige qarshi keypiyatni peseytishke chaqirghan. Seyshenbe küni béyjingdiki yaponiye bash elchisi anami, xitay ma'aripidiki wetenperwerlik terbiyisi, xitay yashlirida yaponiyige qarshi keypiyat yétishtüriwatqanliqini tenqidligen.

Yaponiye elchixanisining ashkarilishiche, anami bu sözlerni ching zoxu'ey teripidin xitay tashqi ishlar ministirliqigha chaqirtilghanda qilghan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.