Xitay emeldari wu yi yaponiyidiki ziyaritini tuyuqsiz axirlashturdi


2005.05.23
Share on WhatsApp
Share on WhatsApp

Xitayning mu'awin bash ministiri wu yi düshenbe küni yaponiye bash minisitiri bilen bolidighan uchrishishni tuyuqsiz emeldin qaldurup, pilandin bir kün burun xitaygha qaytti. Bu özgürüsh yaponiye hökümitini heyran qaldurdi.

Amérika birleshme agéntliqining xewirige qarighanda, xitay hökümiti yaponiye da'irilirige, wu yining xitaydiki nahayiti muhim dölet ichi mesilisini hel qilishigha toghra kelgenliki üchün pilandin burun qaytishqa mejbur bolghanliqini bildürgen.

Düshenbe küni etigen wu yi yaponiye parlamént ezaliri bilen körüshkende, ikki döletni otturisidiki köngülsizliklerni tézdin hel qilishqa chaqirghan. Emma néme üchün xitaygha baldur qaytishqa mejbur bolghanliqi heqqide toxtalmighan.

Wu yi xitay hökümitining asasliq mesile hel qilghuchiliridin biri bolup, u, xitay dunya soda teshkilatigha kirishke tirishiwatqan chaghdimu nurghun söhbetlerge qatnashqan. Hetta u 2003 - yili sars késili tarqap ketkende, sehiye ministiriliq wezipisini ötigen.

Shunga bezi analizchilar, gerche wu yi hazir sehiye ministiri bolmisimu, emma xitay hökümiti uning sars késili tarqalghan waqittiki tejribisini ishlitip, nöwettiki qush zukimi kirizisini bir terep qilishini kütiwatqan bolushi mumkinlikini bildürdi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.