Ясикуни бузрукгаһини зиярәт қилиш мәсилиси хитай - японийә мунасивитидә көңүлсизлик яратти


2005-05-24
Share

Хитай дөләт кабинтиниң муавин баш министири ву йиниң японийидики зияритини йерим йолда тохтитип муддәттин бурун дөлитигә қайтиш һәрикити, хитай японийә мунасивитидә көңүлсизлик яратти.

Ву йи, алдинқи күни японийә баш министири койзуми билән көрүшүш пиланини туюқсиз бикар қилип, дөлитигә қайтқан. Хитай ташқи ишлар министирлиқи сәйшәнбә японийә әмәлдарлирини хитай - японийә мунасивитигә пайдисиз сөзләрни қилиш билән әйиплиди. японийә ташқи ишлар министири мачимура, ву йиниң койзуми билән учришиш пиланини бикар қилиш назакәтсизлики үчүн әпу соримиғанлиқини әйиплигән.

Хитай ташқи ишлар министирлиқиниң баянатчиси коң чүән, " муавин баш министир ву йи японийини зиярәт қиливатқанда, японийә рәһбәрлириниң ясикуни бузрукгаһини зиярәт қилиш тоғрисида хитай - японийә мунасивитигә пайдисиз сөзләрни қилиш, җоңго қатарлиқ дөләтләрниң ғәзипини қозғиди," дәп көрсәтти.

Әслидики пиланда вуйи дүшәнбә күни койзуми билән учуришатти. японийә тәрәпниң ашкарилишичә, учурушишни бикар қилиш тәлипини хитайлар оттуриға қойған. Буниң алдида йәкшәнбә күни хитай дөләт рәиси ху җинтав, японийидә һакимийәт бешидики партийиниң вәкилләр өмикини қобул қилип, японийә әмәлдарлириниң ясикуни бузрукгаһини зиярәт қилишини тәнқидлигән иди.

японийә тәрәп ву йиниң һәрикитигә чүшәнчә беришни тәләп қилған. Хитай һөкүмити ву йиниң көрүшишни бикар қилишиға " дөләт ичидики вәзиписи" сәвәп болғанлиқини билдүргәниди. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт