Yasikuni buzrukgahini ziyaret qilish mesilisi xitay - yaponiye munasiwitide köngülsizlik yaratti


2005.05.24

Xitay dölet kabintining mu'awin bash ministiri wu yining yaponiyidiki ziyaritini yérim yolda toxtitip muddettin burun dölitige qaytish herikiti, xitay yaponiye munasiwitide köngülsizlik yaratti.

Wu yi, aldinqi küni yaponiye bash ministiri koyzumi bilen körüshüsh pilanini tuyuqsiz bikar qilip, dölitige qaytqan. Xitay tashqi ishlar ministirliqi seyshenbe yaponiye emeldarlirini xitay - yaponiye munasiwitige paydisiz sözlerni qilish bilen eyiplidi. Yaponiye tashqi ishlar ministiri machimura, wu yining koyzumi bilen uchrishish pilanini bikar qilish nazaketsizliki üchün epu sorimighanliqini eyipligen.

Xitay tashqi ishlar ministirliqining bayanatchisi kong chü'en, " mu'awin bash ministir wu yi yaponiyini ziyaret qiliwatqanda, yaponiye rehberlirining yasikuni buzrukgahini ziyaret qilish toghrisida xitay - yaponiye munasiwitige paydisiz sözlerni qilish, jonggo qatarliq döletlerning ghezipini qozghidi," dep körsetti.

Eslidiki pilanda wuyi düshenbe küni koyzumi bilen uchurishatti. Yaponiye terepning ashkarilishiche, uchurushishni bikar qilish telipini xitaylar otturigha qoyghan. Buning aldida yekshenbe küni xitay dölet re'isi xu jintaw, yaponiyide hakimiyet béshidiki partiyining wekiller ömikini qobul qilip, yaponiye emeldarlirining yasikuni buzrukgahini ziyaret qilishini tenqidligen idi.

Yaponiye terep wu yining herikitige chüshenche bérishni telep qilghan. Xitay hökümiti wu yining körüshishni bikar qilishigha " dölet ichidiki wezipisi" sewep bolghanliqini bildürgenidi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.