Японийә хитайни "сөһбәтни қәстән кәйнигә сүриватиду" дәп әйиблиди


2005.10.02

японийә сода министири йәкшәнбә күни хитайни "талаштики араллар мәсилисидики сөһбәтни қәстән кәйнигә сүрүп, бу районда нефит қидириш ишлирини күчиниң беричә тезлитиватиду" дәп әйиблиди.

Америка бирләшмә агентлиқиниң хәвиригә қариғанда, японийә сода министири шойчи накагава йәкшәнбә күни "хитай һөкүмити сөһбәт вақтини қәстән кәйнигә сүрүп туривеливатқан пәйттә, улар йәнә талаш-тартиштики районларда алди билән нефит қудуқлирини ечивелишни пиланлаватиду" дәп билдүрди.

японийә һөкүмити хитайға икки дөләт талишидиған бу районларда һәр иккила тәрәпниң ортақ нефит қедиришиға йол қоюш тәклипини қоюп, бу һәқтә дәрһал сөһбәт өткүзүшни тәләп қилған иди. Әмма хитай даирилири японийиниң бу тәклипини ойлишип көридиғанлиқини һәмдә бу һәқтики көз қаришини мушу айниң ахирлири сөһбәт өткүзүп оттуриға қойидиғанлиқини билдүрди.

японийә даирилири буниңдин илгириму хитайни көп қетим техи һәл болмиған бу талаш-тартиштики районларда, өз алдиға нефит қидириш ишлирини елип бармаслиқини агаһландурған иди. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.