Yaponiye xitayni "söhbetni qesten keynige süriwatidu" dep eyiblidi


2005.10.02

Yaponiye soda ministiri yekshenbe küni xitayni "talashtiki arallar mesilisidiki söhbetni qesten keynige sürüp, bu rayonda néfit qidirish ishlirini küchining bériche tézlitiwatidu" dep eyiblidi.

Amérika birleshme agéntliqining xewirige qarighanda, yaponiye soda ministiri shoychi nakagawa yekshenbe küni "xitay hökümiti söhbet waqtini qesten keynige sürüp turiwéliwatqan peytte, ular yene talash-tartishtiki rayonlarda aldi bilen néfit quduqlirini échiwélishni pilanlawatidu" dep bildürdi.

Yaponiye hökümiti xitaygha ikki dölet talishidighan bu rayonlarda her ikkila terepning ortaq néfit qédirishigha yol qoyush teklipini qoyup, bu heqte derhal söhbet ötküzüshni telep qilghan idi. Emma xitay da'iriliri yaponiyining bu teklipini oyliship köridighanliqini hemde bu heqtiki köz qarishini mushu ayning axirliri söhbet ötküzüp otturigha qoyidighanliqini bildürdi.

Yaponiye da'iriliri buningdin ilgirimu xitayni köp qétim téxi hel bolmighan bu talash-tartishtiki rayonlarda, öz aldigha néfit qidirish ishlirini élip barmasliqini agahlandurghan idi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.