Хитай һәрбий парахоти японийә қисимлири тәрипидин агаһландурулди


2005.11.11

японийә деңиз саһили қоғдаш қисимлири җүмә күни окинаваниң җәнубидики японийә деңиз тәвәликигә 20 километирчә үсүп киргән хитай деңиз армийисиниң сүний һәмра кашила пәйда қилиш парахотини агаһландурди.

японийә һәрбий даирилириниң ашкарилишичә, мәзкур хитай парахоти хитай деңиз армийисигә тәвә болсиму, әмма у техника җәһәттә хитай деңиз армийисиниң пиядә қисимлири үчүн хизмәт қилидикән.

Хитай парахоти японийә деңиз қоғдаш қисимлириниң агаһландурушидин кейин , японийә деңиз тәвәликини тәрк әткән. японийә һәрбий даирилириниң әскәртишичә, деңиз мудапиә қисимлири хитай парахотиниң "тәһдит елип кәлмәйдиғанлиқиға" ишәнгәндин кейин, униңға қарши илгирилигән һалда тәдбир қолланмиған.

японийә ташқий ишлар министирлиқиниң баянатчиси акира чиба, "әгәр парахот японийә деңиз тәвәликигә уқушмастин кирип қалған болса, буни анчә җиддий вәқә әмәс, дәп қараймиз" дәп тәкитлигән.

Хитай - японийә мунасивити йеқинқи йиллардин бери барғанчә йириклишишкә башлиди. Болупму хитай һөкүмити японийиниң тарих дәрслики вә баш министир койзуминиң ясокуни бузрукгаһини зиярәт қилиш һәрикитини әйиблимәктә. Әмма японийә, хитайниң ясикуни мәсилисидики әйиблишини рәт қилип, бу, уруш қурбанлирини әсләш вә уруштин сақлинишни мәқсәд қилиду, дәп көрсәтмәктә.

японийә дуня бойичә хитайни әң көп өсүмсиз қәрз билән тәминлигүчи дөләт болуп, японийә хитайни җоңго дәрслик китаблирида японийә дүшмәнлики тәшвиқ қилинған, дәп әйиблимәктә иди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.