Xitay herbiy paraxoti yaponiye qisimliri teripidin agahlanduruldi
2005.11.11
Yaponiye déngiz sahili qoghdash qisimliri jüme küni okinawaning jenubidiki yaponiye déngiz tewelikige 20 kilométirche üsüp kirgen xitay déngiz armiyisining sün'iy hemra kashila peyda qilish paraxotini agahlandurdi.
Yaponiye herbiy da'irilirining ashkarilishiche, mezkur xitay paraxoti xitay déngiz armiyisige tewe bolsimu, emma u téxnika jehette xitay déngiz armiyisining piyade qisimliri üchün xizmet qilidiken.
Xitay paraxoti yaponiye déngiz qoghdash qisimlirining agahlandurushidin kéyin , yaponiye déngiz tewelikini terk etken. Yaponiye herbiy da'irilirining eskertishiche, déngiz mudapi'e qisimliri xitay paraxotining "tehdit élip kelmeydighanliqigha" ishen'gendin kéyin, uninggha qarshi ilgiriligen halda tedbir qollanmighan.
Yaponiye tashqiy ishlar ministirliqining bayanatchisi akira chiba, "eger paraxot yaponiye déngiz tewelikige uqushmastin kirip qalghan bolsa, buni anche jiddiy weqe emes, dep qaraymiz" dep tekitligen.
Xitay - yaponiye munasiwiti yéqinqi yillardin béri barghanche yiriklishishke bashlidi. Bolupmu xitay hökümiti yaponiyining tarix dersliki we bash ministir koyzumining yasokuni buzrukgahini ziyaret qilish herikitini eyiblimekte. Emma yaponiye, xitayning yasikuni mesilisidiki eyiblishini ret qilip, bu, urush qurbanlirini eslesh we urushtin saqlinishni meqsed qilidu, dep körsetmekte.
Yaponiye dunya boyiche xitayni eng köp ösümsiz qerz bilen teminligüchi dölet bolup, yaponiye xitayni jonggo derslik kitablirida yaponiye düshmenliki teshwiq qilin'ghan, dep eyiblimekte idi. (Erkin)
Munasiwetlik maqalilar
- Xitay yaponiye tashqi ishlar ministirining ziyaritini bikar qildi
- Xitay - yaponiye munasiwetliri yene jiddiyleshti
- Yaponiye xitayni sherqiy déngizda tebi'iy gaz qézish mesilisi boyiche agahlandurdi
- Yaponiye xitayni "söhbetni qesten keynige süriwatidu" dep eyiblidi
- Yaponiye bilen xitay taqim arallar mesilisi boyiche söhbet ötküzdi