Koyzomi xitayni yasukuni buzrukgah qartini oynimasliqqa chaqirdi

Yaponiye bash ministiri koyzomi xitay hökümitining xitay- yaponiye- jenubiy koriye üch dölet rehberlirining yighinini kéchiktürüsh qararini tenqid qilip, xitay hökümitini yasukuni buzrukgah qartini oynimasliqqa chaqirdi.

Xitay tashqi ishlar ministirliqi yekshenbe küni nöwettiki shert- shara'itlar tüpeylidin, yettinchi nöwetlik üch dölet rehberliri yighinini " muwapiq peyt" yitip kelgiche kéchiktürgenlikini élan qilghan idi. 1999 ‏- Yilidin buyan, üch dölet rehberliri her yili uchrishidighan bolup, bu yilqi yighin 12 ‏- ayning otturiliri malaysiyada ötküzülüshi pilanlan'ghan.

Koyzomi bu yil 10 ‏- ayda yasukuni buzrukgahini qayta tawap qilghandin kéyin, yaponiye bilen xitay we jenubiy koriyining munasiwiti yiraqlashqan idi.

Fransiye axbarat agéntliqining xewirige qarighanda, koyzomi düshenbe küni muxbirlargha " xitay bilen koriye, yasukuni buzrukgahini diplomatiye qarti qilishqa urunmasliqi kérek. Bu xil usul aqmaydu" dep bildürgen. (Arzu)