Yaponiye, xitay we jenubiy koriye rehberliri uchrashti

Yaponiye hökümet xadimliri, yaponiye, xitay we jenubiy koriye rehberlirining sherqiy jenubi asiya döletler ittipaqi bashliqlar yéghini jeryanida öz'ara semimi paranglashqanliqini bildürdi.

Xitay hökümiti üch dölet rehberliri otturisida pilanlan'ghan yéghinni yaponiye bash minstiri koyzumining xitay hökümitining naraziliqigha qarimay tokyodiki urush qurbanliri buzrukgahini ziyaret qilghanliqi tüpeylidin bikar qilghan idi.

Yaponiye tashqi ishlar minstirliqi xadimining bildürüshiche, yaponiye, xitay we jenubiy koriye rehberliri, sherqiy jenubi asiya döletliri ittipaqining yighinidin burun 15 minut söhbet ötküzgen.

Uning éytishiche, söhbet asasliqi medeniyet almashturush mesililiri üstide bolghan. Yaponiye tashqi ishlar ministirliqining xadimi muxbirlargha bergen bayanatida, yaponiye bash ministirining emdi xitay bash minstiri win jiyabaw bilen söhbet élip bérishi mumkin emes, chünki uning waqti yoq dédi.

Bu arida, xitay tashqi ishlar ministirliqining bayanatchisi liyu, gerche xitay we yaponiye rehberliri söhbetleshken bolsimu, emma xitay hökümitining hélimu yaponiye bash minstiri koyzumining yasukoni buzrukgahini ziyaret qilghanliqigha bolghan naraziliqining dawamlishiwatqanliqini bildürdi. (Qanat)