Yaponiye xu jintawning shertini "aqilane" teklip emes dédi

Yaponiye hökümiti xitay dölet re'isi xujintawning eger yaponiye bash minisitiri koyzumi yasikoni buzrukgahini ziyaret qilishni toxtatsa, yaponiye bilen bashliqlar söhbiti ötküzüsh toghrisidiki teklipini ret qildi. Yaponiye tashqiy ishlar ministiri taro asu xu jintawning teklipini aqilane emes we bu béyjing hökümitining mesilini muzakire qilish niyiti yoqliqini körsitidu, dep eskertti. U, xitay terepning métodi " bu yerdiki tosalghuni yaponiye terepte qilip körsitish" deydu.

Xitay dölet re'isi xu jintaw yéqinda yaponiyilik mihmanlargha eger koyzumi yasikonuni ziyaret qilshni toxtatsa, uning bilen bashliqlar söhbiti élip baridighanliqini bildürgen idi. Lékin "bu sözlerde xuddi junggo - yaponiye otturisidiki muzakire qiyinchiliqigha pütünley yaponiye hökümiti mes'ul bolushi kérekliki chiqip turidu" dep tekitligen taro asu, " eger sizning mesilini hel qilish niyitingiz bolmisa bashqilar bilen körüshmeng,' deydu.

Shu küni taro asu bilen birge yaponiye ichki kabintining ikki ministiri xu jintawning sözlirini tenqid qildi. Yaponiye iqtisad - soda ministiri toshixiro nikay, " yasikonini ziyaret qilish mesilisini sherqiy déngizda teb'iy gaz qézish, énérgiye serpiyatini kémeytish we muhit mesilisi qatarliqlar bilen chétiwalmasliq kérek " deydu. Yaponiye ichki kabint sékritari shinzo abé, xitay bilen " bizning erkinlik we kishilik hoquq mesilisidiki qarishimizda tüpki oxshimasliqlar bar " dédi.

Xitay rehberliri koyzumining yasukoni buzrukgahini ziyaret qilghanliqini bahane qilip yaponiye rehbiri bilen körüshüshni ret qilip kelmekte. Ikki dölet 2001 - yildin bashlap taki hazirghiche resmi bashliqlar söhbiti ötküzüp baqmidi. (Erkin)