Хитай - японийә мунасивити изчил түрдә йирикләшмәктә


2006.07.13

Хитай мәтбуатлири, пат арида ечилидиған 8 дөләт рәһбәрлириниң учришиш йиғинида хитай дөләт рәиси ху җинтавниң америка вә русийә приздентлири билән көрүшүп, японийә баш министири куйзуми билән көрүшмәйдиғанлиқини қәйт қилмақта.

Америка бирләшмә агентлиқиниң бейҗиңдин бәргән хәвиригә қариғанда, хитай ташқи ишлар ярдәмчи министири сүй тәнкәйниң билдүрүшичә, хитай дөләт рәиси ху җинтав мушу һәптиниң ахири сан- петерсбургта өткүзүлидиған 8 дөләт алий дәриҗилик рәһбәрлириниң учришиш йиғинида русийә призиденти путин, америка призиденти буш билән көрүшидикән.

Сүй тәнкәйниң ейтишичә, японийә - хитай мунасивитиниң еғир дәриҗидә йириклишишиниң сәвәби, японийә баш министири куйзуминиң ясикуни бузрукгаһини тавап қилишидин мәйданға кәлгән икән.

Бу арида японийә баш министири куйзуми токюда": мән ясикуни бузрукгаһини йәнила давамлиқ тавап қилип келиватимән, шуңа һазир икки тәрәп учришиши таза мувапиқ әмәс" деди.

Ху җинтав билән куйзуми, өткән йили 4 ‏- айда өткүзүлгән 8 тәрәп алий дәриҗилик рәһбәрлириниң учришиш йиғинида көрүшкән болуп, у чағда хитайда японийигә қарши елип берилған зор көләмлик намайиш техи йеңи аяқлашқан иди. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.