Xitay - yaponiye munasiwiti izchil türde yirikleshmekte

Xitay metbu'atliri, pat arida échilidighan 8 dölet rehberlirining uchrishish yighinida xitay dölet re'isi xu jintawning amérika we rusiye prizdéntliri bilen körüshüp, yaponiye bash ministiri kuyzumi bilen körüshmeydighanliqini qeyt qilmaqta.

Amérika birleshme agéntliqining béyjingdin bergen xewirige qarighanda, xitay tashqi ishlar yardemchi ministiri süy tenkeyning bildürüshiche, xitay dölet re'isi xu jintaw mushu heptining axiri san- pétérsburgta ötküzülidighan 8 dölet aliy derijilik rehberlirining uchrishish yighinida rusiye prizidénti putin, amérika prizidénti bush bilen körüshidiken.

Süy tenkeyning éytishiche, yaponiye - xitay munasiwitining éghir derijide yiriklishishining sewebi, yaponiye bash ministiri kuyzumining yasikuni buzrukgahini tawap qilishidin meydan'gha kelgen iken.

Bu arida yaponiye bash ministiri kuyzumi tokyuda": men yasikuni buzrukgahini yenila dawamliq tawap qilip kéliwatimen, shunga hazir ikki terep uchrishishi taza muwapiq emes" dédi.

Xu jintaw bilen kuyzumi, ötken yili 4 ‏- ayda ötküzülgen 8 terep aliy derijilik rehberlirining uchrishish yighinida körüshken bolup, u chaghda xitayda yaponiyige qarshi élip bérilghan zor kölemlik namayish téxi yéngi ayaqlashqan idi. (Eqide)