Сәнкаку арилини қоғдаш үчүн барған хитайлар зәхмиләнгән кемисини һәйдәп хоңкоңға қайтип кәлгән


2006.10.31

'Америка авази'ниң баян қилишичә, 27 ‏- өктәбир күни хоңкоңдин бир қисим адәм кемә билән йолға чиқип, японийә билән хитай оттурисида талаш -тартишта туруватқан сәнкаку арилиға йетип беришқа 20 деңиз чақирими арилиқ қалғанда, японийиниң 15 тәк тиз сүрәтлик кемилири пәйда болуп, хитайдин кәлгән бу арал қоғдиғучиларниң кемисини тосивалған вә японийиниң икки кемиси келип униңға урулған.

Хәвәрдә баян қилинишичә, гәрчә хоңкоңдин арал қоғдаш үчүн барған кишиләр деңиз йүзидин сәнкаку арилиға қәдәм басалмиған болсиму, әмма улар йәнила бундақ бир шәкил арқилиқ бу аралниң игилик һоқуқи техи һәл қилинмиған мәсилә икәнликини дуняға билдүрдуқ, дегән. Арал қоғдиғили барған кишиләр зәхмиләнгән кемисни һәйдәп хоңкоңға қайтип кәлгәндин кейин, хитай һөкүмитигә японийидин төләм елиш тоғрилиқ әрз сунидиғанлиқни билдүргән. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.