Senkaku arilini qoghdash üchün barghan xitaylar zexmilen'gen kémisini heydep xongkonggha qaytip kelgen

'Amérika awazi'ning bayan qilishiche, 27 ‏- öktebir küni xongkongdin bir qisim adem kéme bilen yolgha chiqip, yaponiye bilen xitay otturisida talash -tartishta turuwatqan senkaku ariligha yétip bérishqa 20 déngiz chaqirimi ariliq qalghanda, yaponiyining 15 tek tiz sür'etlik kémiliri peyda bolup, xitaydin kelgen bu aral qoghdighuchilarning kémisini tosiwalghan we yaponiyining ikki kémisi kélip uninggha urulghan.

Xewerde bayan qilinishiche, gerche xongkongdin aral qoghdash üchün barghan kishiler déngiz yüzidin senkaku ariligha qedem basalmighan bolsimu, emma ular yenila bundaq bir shekil arqiliq bu aralning igilik hoquqi téxi hel qilinmighan mesile ikenlikini dunyagha bildürduq, dégen. Aral qoghdighili barghan kishiler zexmilen'gen kémisni heydep xongkonggha qaytip kelgendin kéyin, xitay hökümitige yaponiyidin tölem élish toghriliq erz sunidighanliqni bildürgen. (Weli)