Yawropa ittipaqi xitayni tawarlarning bixeterlikini tekshürüshni téximu chingitishqa qistidi


2007.07.23
Share on WhatsApp
Share on WhatsApp

Düshenbe küni yawropa ittipaqi xitay tereptin , tawarlarning, bolupmu balilar oyunchuqlirining bixeterlik tekshürüsh ötkilini ching tutushni we xitay karxanilirining nachar yaki saxta tawarlarni köplep éksport qélishining aldini aldighan chare ‏- tedbirlerni kücheytish heqqide köprek melumat bilen teminleshni telep qildi.

Yawropa ittipaqi istémalchilarning menpe'etini qoghdash komitétining komissari mégléna kunéwa, özining béyjing ziyariti jeryanida xitay merkiziy süpet tekshürüsh we karantin bashqurush idarisining bashliqi li changjyang bilen körüshkende , yuqiriqi teleplirini otturigha qoyghan.

Uchrishishtin kéyin mégléna kunéwa muxbirlargha: " ilgirilesh bar, emma bazar islahati we bazar nazaretchiliki jehetlerde qedemni tizlitish zörürdur" dédi.

2006- Yili bek xeterlik dep qaralghan, xeterlik chaqmaq, ajiz bowaq harwisi qatarliq 924 xil mehsulat, norwégiye, islandiye qatarliq 27 yawropa dölitide sétilghan bolup, bularning yérimidin köpreki xitayda ishlen'gen mehsulatlar iken.

Mégléna kunéwa yene: "mehsulat bixeterliki jehette biz ensireydighan birinchi nomurluq dölet xitaydur" deydu.

Amérika qoshma shtatliri yémek-ichmek we dora-dermek bashqurush idarisi bu yil aprélda, shimaliy amérikida ölgen it-müshüklerning xitaydin kirgüzülgen yémekliklerdin zeherlinip ölgenlikini bayqighandin kiyin, amérika we bashqa döletlerde xitay mallirigha zerbe bérish ishliri bashlan'ghan idi. Shuningdin kiyin, bashqa nurghunlighan xitay mehsulatlirining zeherlik yaki xeterlik ikenliki ashkarilan'ghan.

Emma, xitay emeldarliri, xitay mehsulatlirigha nisbeten agah bolush tuyghusini chet'el metbu'atliridin körüp, chet'el metbu'atlirini eyibligen idi.

Düshenbe künidiki uchrishishta chet'el metbu'atliri mesilisi otturigha qoyulghan.(Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.