Xitay hökümiti pakistanda Uyghurlarni tutqun qilishni pilanlimaqta


2006.06.27
Share on WhatsApp
Share on WhatsApp

Pakistan hökümiti, pakistandiki xitay diplomatlirining, sherqiy türkistan islamiy herikiti ezalirining pakistandiki xitay diplomatlirini élip qéchishni pilanlighanliqi heqqidiki shikayetliridin kéyin, xitay diplomatlirini qoghdash tedbirlirini kücheytti.

Pakistan metbu'atining xewer qilishiche, pakistan chet'el diplomatlirini qoghdash idarisining yuqiri derijilik xadimi tariq mes'ud yasin, islam'abadtiki xitay bash elchixanisi we xitay diplomatliri turushluq öyler etrapida bixeterlik tedbirlirining kücheytilgenlikini bildürgen.

Xewerde éytilishiche, pakistan hökümiti shundaqla saqchi idarilirigha, öz rayonliridiki diniy mekteplerge bérip, bu mekteplerde oquwatqan chet'ellik bolupmu Uyghur oqughuchilarning sherqiy türkistan islamiy herikiti pa'aliyetchiliri bilen alaqisi bar- yoqliqini tekshürüsh toghrisida buyruq chüshürgen.

Xewerlerge qarighanda, pakistan razwétka idariliri pakistan ichki ishlar ministirliqini, xitay diplomatlirini görüge élish pilanini emelge ashurush üchün bir guruppa térrrochining islam'abad we rawalpindige kelgenligidin xewerdar qilghan.

Lékin dunya Uyghur qurultiyi mes'ulliri, pakistandiki xitay diplomatlirining sherqiy türkistan islamiy herikiti ezalirining hujumigha uchrash éhtimalliqi toghrisidiki xewerlerni xitay hökümitining oydurmisi dep körsitip, xitay hökümiti yene "sherqiy türkistan islamiy herikiti" ni bahane qilip pakistandiki Uyghurlarni tutqun qilish herikiti ilip barmaqchi, dédi. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.