Хитай мәркизи һәрбий ишлар комитетиниң рәиси америкини зиярәт қилмақта


2006.07.17

Хитай мәркизи һәрбий ишлар комитетиниң муавин рәиси го бошяң рәсими бир зиярәт үчүн бүгүн вашингтонға кәлди.

Го бошяң 2001‏- йилидин бери америкини зиярәт қилған хитайниң әң алий дәриҗилик һәрбий хадими болуп, америка бирләшмә агентлиқиниң хәвәр қилишичә, го бошяң бир һәптә давамлишдиған бу сәпири җәрянида америка мудапиә министири доналд рамисфелд вә башқа алақидар рәһбәрләр билән бир қатар мәсилиләр үстидә сөһбәт елип баридикән һәмдә у йәнә бәзи һәрбий базиларни зиярәт қилидикән.

Хитай билән америка оттурисидики һәрбий мунасивәтләр, 2001‏- йилида америкиниң бир җасуслуқ айропилани хитай урушчи айропиланиға урулуп кәткәндин кейин, пүтүнләй үзүлгән иди. Лекин бу мунасивәтләр йеқинқи йиллардин бери қайтидин тәдриҗи һалда тәрәққий қилишқа башлиди.

Шинхуа агентлиқиниң, хитай мудапиә министирлиқи ташқи ишлар бөлүминиң муавин мудири чийән лихав ниң сөзлирини нәқил кәлтүрүшичә, хитай мәркизи һәрбий ишлар комитетиниң муавин рәиси го бошяңниң бу қетимқи америка зиярити хитай һәрбий рәһбәрлик оргининиң чәт бир дөләткә қаратқан әң муһим зиярити һесаблиниду. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.