Xongkong démokratiye rehbiri li juming xelq'ara jem'iyetni olimpik mezgilide xitaygha bésim ishlitishke chaqirdi


2007.10.26

Xongkong démokratiye partiyisining qurghuchisi li juming, aldinqi küni xelq'ara jem'iyetning xitaygha bésip ishlitip, béyjing olimpik yighini mezgilide xitay kishilik hoquqi xatirisi, axbarat erkinliki, yighilish we diniy erkinlik ehwalini özgertishke qistashni yene bir qétim telep qildi.

Li juming yéqinda amérika Wall Street Journal gézitide maqale élan qilip, prézidént bushning béyjing olimpik yighinigha bir tamashibin süpitide qatnishipla qoymay, "kelgüsi 10 ay ichide xitaygha asasiy kishilik hoquq xatirisi, axbarat, yighilish we diniy erkinlikning körünerlik derijiside yaxshilinishi üchün bésim ishlitishi "ni tekitligen idi.

Maqalide li juming, " bir tereptin altun médalgha ériship, yene bir tereptin démokratiye, kishilik hoquq we qanunning rolidin mehrum qalsa, bu dölitimizni qandaqmu menpe'etdar qilghan bolidu ? " dep yazghan. Lékin li jumingning bayanati jüme küni xongkongdiki béyjingperes küchlerning hujumigha uchrap, li juming béyjing olimpik yighinini bayqut qilish, chet'elliklerni junggoning ichki ishlirigha arilishishqa chaqirdi, dep eyiblendi.

Peyshenbe küni bir guruppa kishiler xongkong parlaméntining aldida li juminggha qarshi yighilish ötküzgen. Lékin li juming jüme küni béyjing olimpik yighinini bayqut qilishqa chaqirghanliqini ret qilip, "prézidént bushtin xu jintaw bilen körüshkende xitay kishilik hoquqi xatirisini özgertishke ündeshni telep qilishning néme yamanliqi bar ? " dep soridi. Xongkong démokratik partiyisi jüme bayanat élan qilip,"xongkongdiki béyjingperes siyasetchiler parlamént saylimigha yéqin qalghan mezgilde milletchilik we wetenperwerlik qizghinliqi qozghap, saylam bélitini ashurmaqchi boluwatidu " dep tenqidligen. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.