Amérika tashqi ishlar ministirliqi xongkong parlaméntidiki démokratik küchlerning wekillirini kütüwaldi

Amérika tashqi ishlar ministirliqi xongkong parlaméntidiki démokratik küchlerning rehbiri li juming qatarliq kishilerni kütüwélip, ularning xongkongda démokratik islahat élip bérish layihisini qollidi. Li juming qatarliqlar seyshenbe küni amérika tashqi ishlar ministiri kondiliza rayis bilen söhbet ötküzidu.

Amérika tashqi ishlar ministirliqining bayanatchisi, " amérika hökümiti xongkongda omumiy saylam élip bérish shundaqla siyasi islahat qedimi we uning kölimini xongkongluqlarning özi qarar qilishi kérek, dep qaraydu " dédi. Xongkong parlaméntining li juming bashchiliqidiki 5 kishilik ziyaret ömiki bryussélda yawropa ittipaqi we yawropa parlaménti bilen uchrashqandin kéyin amérikigha yétip kelgen. Ular rayis bilen uchrashqanda, xongkongda omumiy saylam ötküzüsh we démokratik islahat élip bérish layihisini otturigha qoyudiken.

Li juming rayis bilen körüshüshtin ilgiri béyjing hökümitini tenqid qilip, béyjing xongkong tüp qanunidiki belgilimiler boyiche xongkong parlaméntining bir qisim ezalirini biwaste saylash wedisige emel qilmidi, dep eyiblidi. Emma béyjing hökümiti we béyjingperes küchler li juming qatarliq xongkong démokratiye terepdarlirini " weten satquch we xa'in " dep eyiblimekte.

Démokratik küchler 4 - dékabirda xongkong boyiche keng - kölemlik yighilish ötküzüshni pilanlighan. (Erkin)