Abdul raxman italiyide panahliq tilidi

Afghanistanda xristi'an dinini qobul qilghanliqi üchün afghan saqchiliri teripidin qolgha élinip sotqa tartilghan abdul raxman italiye hökümitidin siyasiy panahliq tilidi.

Afghanistan qanunlirigha asasen, eger abdul raxmanning gunahi ispatlansa, u ölüm jazasigha höküm qilinishi mumkin idi. Abdul raxman ötken ay qolgha ilinip, ötken hepte sotqa tartilghan idi .

Abdul raxmanning sotqa tartilishi gherb döletlirining qattiq tenqidige uchrighan. Afghan da'iriliri amérika we gherb döletlirining bésimi netijiside düshenbe küni, abdul raxman üstidin échilghan sotni bikar qilip uni qoyup bergen idi . U charshenbe küni italiyide yétip kelgen.

Roytrérs agéntliqining xewer qilishiche, abdul raxman 30 ‏- mart küni italiye téléwizorida bergen bayanatida, özining qutulushi üchün élip bérilghan xelq'araliq heriketke yétekchilik qilghan rim papasigha we italiye hökümitige rehmet éytti.

Gerche, afghanistan hökümiti gherb döletlirining bésimi bilen abdul raxmanni qoyup bergen bolsimu, emma afghanistandiki radikal diniy guruppilar uning ölüm jazasigha höküm qilinishi kéreklikini tekitlimekte. Afghanistandiki radikal diniy guruppilar abdul raxmanning qoyup bérlgenlikige qarshi keng kölemlik namayishlar ötküzdi.

Xewerlerge qarighanda, bixeterlik sewebidin abdul raxman yoshurun halda italiyige élip kélin'gen bolup, italiye da'iriliri nöwette uning turuwatqan jayi heqqide melumat bérishini ret qilmaqta. (Eqide)