Xitay bilen amérika yadro qorallar mesiliside ixtilablarni hel qilishqa qarap yüzlendi
2004.09.02
Amérikida chiqidighan " wol sitirit zhornili" gézitining charshenbe küni ashkarilishiche, xitay bilen amérika yadro qorallar sodisidiki ixtilablarni hel qilishqa qarap yüzlendi. Bu amérika shirketlirining xitaygha yadro ré'aksiye qazinini sétip bérishige yol échip béridiken.
Mezkür gézitning amérika dölet mudapi'e ministirlikidiki bir emeldarning sözini neqil keltürishiche, nöwette xitaygha yadro qorallarni sétip bérishni chekleydighan belgilimiler we tosaqlar bikar qilin'ghan. Amérika bilen xitay bu heqte kilishim hasil qilip, ixtilablarni hel qilishqa hazirlan'ghan.
Amérika bilen xitay 1985 - yili, yadro énérgiye saheside hemkarlishish heqqide kilishim hasil qilghan . Biraq washin'gton xitayning éran we paksitanlargha yadro qoral téxnikilirini sétip bérishidin endishe qilip, béyjing bilen yadro téxnika sodisi qilishni cheklep kiliwatqan idi.
" Wol sitirit géziti" ning amérika " west xawust iliktir shirkiti" bayanatchisining sözini neqil keltürishiche, eger amérika hökümiti xitay bilen kilishim hasil qilip, xitaygha yadro qoral sétishqa roxset qilsa, ular xitaydiki atom ré'aksiye qazini yasash programmisigha qatnishidiken. (Arzu)