Shimaliy koriye yadro qorallar söhbiti qayta bashlandi

Shimaliy koriye yadro qorallar mesilisi boyiche 6 terep söhbiti seyshenbe küni béyjingda qayta eslige keldi. Terepler seyshenbe kün'giche ilgiri - kéyin bolup béyjinggha yétip keldi.

Xitay tashqi ishlar ministirliqi söhbetning bashlinish waqtini élan qilmighan. Emma jenubiy koriye birleshme axbarat agéntliqi söhbetning seyshenbe küni chüshtin kéyin bashlinidighanliqini bildürdi.

Amérika bilen shimaliy koriye yadro qorallardin waz kéchish mesiliside hazirgha qeder pikir birlikige kélelmidi. Amérika shimaliy koriyining yadro eslihelerdin üzül- késil waz kéchishini telep qilmaqta. Emma shimaliy koriye yadro eslihelirini tinch yollargha ishlitish hoquqini saqlap qalidighanliqida ching turup keldi.

Közetküchiler, bu qétimqi söhbetni emiliy ilgirleshke érishish yaki érishelmeslikdiki hel qilghuch uchrishish, dep körsetmekte. Shimaliy koriye yadro qorallar pilani boyiche béyjingda ötküzülgen 4 - qétimqi söhbet, netijige érishelmigendin kéyin, söhbetke bir mezgil ara bérilgen idi. Bu jeryanda amérika bilen shimaliy koriye her xil qanallar arqiliq mexpiy uchrushushlarni élip bardi.

Amérika, yaponiye, rusiye, xitay, jenubiy koriye qatarliq döletler shimaliy koriye mesilisini tinch yol bilen hel qilish üchün 2003 - we 2004 - yilliri 3 qétim söhbet élip barghan. (Erkin)