Yaxu intérnét shirkiti amérika awam palatasida kechürüm soridi

2007-11-06
Élxet
Pikir
Share
Print

Seyshenbe küni amérika awam palatasi tashqi ishlar ministirliqida yaxu intérnét shirkitining xitay hökümitini abontlarning shexsi uchurliri bilen teminligenlik mesilisi heqqide guwahliq bérish yighini échildi.

Guwahliq bérish yighinida amérika kéngesh palatasi tashqi ishlar komitéti re'isi tam lantos, yaxu shirkitining ispatlirining yéterlik emeslikini körsitishtin bashqa, néme üchün xitay hökümitini uchur bilen teminligenliki heqqidiki bahanilirini pütünley ret qilip " yaxu shirkitining bu qilmishi intayin éghir mes'uliyetsizlik hem chong yalghanchiliq " dep eyiblidi.

Yaxo shirkiti bash ijra'iye emeldari jéry yang, shirketning mezkür mesile heqqide ispatliq matériyallarni amérika awam palatasigha sunup bolghandin kéyinla andin mesilining esli mahiyitini tonup yetkenliki,agahlandurushqa sel qarighanliq üchünla öz ara chüshenmeslik kélip chiqqanliqini bildürüp, buning üchün amérika awam palatasi hemde yaxu shirkitining uchur bilen teminligenliki üchün qolgha élin'ghanlardin chongqur kechürüm sorighan.

Yaxu shirkiti ilgiri xitayni yaxu intérnét abontliri bolghan wang shawning we shi tawlarning shexsi matériyali bilen teminligen bolup, yaxu teminligen uchurgha asasen xitay da'iriliri2003 - yili wang shawningni 10 yilliq qamaq jazasigha höküm qilghan. Shi taw 2004 ‏- yili qolgha élinip 2005 - yili 10 yilliq qamaq jazasigha höküm qilin'ghan.

Buning aldida amérika fédéral sotida 11 ‏- ayning -1 küni yaxu intérnét shirkitining xitayni uchur bilen teminlesh délosi heqqide échilghan mexsus ispat bérish yighinida yaxu shirkitining xitay da'irilirini shi taw, wang shawning qatarliq tor abontlirining shexsi matériyali bilen teminligenliki mesilisi heqqide ispat bérip " shirkitimiz xitayning qanunini hörmet qilghanliqi üchünla ularni matériyal bilen teminligen, emma hökümetning bu shexsi matériyallarni néme üchün ishlitidighanliqidin xewirimiz yoq " dep bildürgen idi.

Melum bolushiche, yaxu intérnét shirkitining uchur bilen teminlishi arqisida ilgiri ‏- axiri bolup töt kishi xitayning ziyankeshlikige uchrighan. (Gülchéhre)

Pikirler (0)
Share
Toluq bet